>返回

2018-07-13
會考零分 36歲20萬創業 年生意額達2000萬

Mr. 香工 Edward: DSE放榜,今年一共誕生9位狀元!有考生考到好成績、也有考生失手成續未如理想。無論如何,DSE只是人生中其中一場考試,即使讀書不成,也絕不能「一試定生死」。當年會考零分的Michael就是個活生生的好例子,他於3年前裸辭,利用20萬創立『爽WiFi』,短短3年間由首年100萬營業額做到去年2,000萬營業額,誇張的增幅令人張口結舌!

36歲裸辭創業

自言出身低微、無家底、無人脈的Michael,原本在電訊業由前線Sales做到管理層,2014年10月某天,他決定裸辭,因為有感事業已無起色。

他坦言當日裸辭後「唔知做咩好,但發現日日喺屋企唔掂!」他覺得自己不會再搵工,一定要諗做生意

他說:「我讀書少、只得經驗,我可以做到幾多歲?」他深知自己的長處弱項,但因為自小已好想自己做生意,所以3年前即使從未接觸過WiFi蛋生意,也不顧一切的衝出去創業!

爽WiFi DSE 會考 創業 Wifi蛋 Michael

中學收人100蚊抄校規 但俾5蚊另一個人幫我抄

現今不少都年輕人「有父幹有母幹」,就連上車都有父母幫助俾首期,非常「幸福」!

然而Michael的童年就過得一點也不容易,Michael指自幼家景窮困,小時候經常有「收數佬」到家拍門,又不時有「收數佬」接他放學,「細個住土瓜灣,中一開始爸爸媽媽抽到公屋上到樓住粉嶺,但喺何文田返學,試過阿媽冇錢俾我返學…」

他笑稱:「我由中一二已開始諗辦法點樣可以搵錢,例如幫同學抄校規,我已經識得收人100蚊抄校規,但就俾5蚊另一個人幫我抄…又試過叫啲有錢同學仔帶飯時煮埋我飯,叫佢同阿爸講煮多啲俾我,盡量令自己返學唔使用錢!」記者聽到此處忍不住大笑。

的確,生活過得不容易,不單令他自小已培養出獨立性格,同時也培養出不一樣的生意頭腦。

爽WiFi DSE 會考 創業 Wifi蛋 Michael

目標為本 報會考取中五學歷

不斷自稱「讀得書少」的Michael的確只有中學學歷程度,原因正正是家景不佳。

他指,那時一直等、等到15歲,中三的上學期完後就向父道明言不會再讀書,因他受不住屋企無錢!「其實我讀完中三,中五都冇讀過…..小學用兩蚊都返到學,中學唔得,要食飯要搭車,當然那時同學仔已經好多物質嘢,個人會自卑…然後就出嚟做嘢。」

中三學歷可以做什麼?「就係廚房、跟車,無其他嘢做到架喇,當時拎6000零蚊人工…之後阿媽喊住同我講想我讀埋個中五,所以我去私校報讀中四,讀咗一年後,就轉到另一間學費較平的學校報讀中五,返咗三日學報咗會考之後,就無再返學去返工。」家景不好,但他懂事生性,以目標為本報會考,務求獲取中五學歷,出來工作後更開始慢慢在經濟上反過來照顧家庭。

金融海嘯欠債 阿爸中風 阿媽被裁員 公司執笠

報會考後第一份工就做Sales,當時萬多元一個月人工,相比同齡又已出來工作的同學「搵多幾千蚊」,然後「學人買股票,點知一場金融海嘯,輸咗廿幾萬,就每個月分期還,跟住同一時間,我阿爸中風無做嘢、阿媽被裁員、連我做緊果間公司都執埋笠….真係可以黑成咁!」不如意事接二連三的發生,以為TVB的爛劇才有的橋段竟在現實生活中確確實實的出現了。

但沒有被命運擊倒,路還是要繼續走,所以他再找工作。廿多歲就開始真正「擔起頭家」…真正經歷過貧窮、如此人生經歷令到他處事更獨立,更能屈能伸。

眼前的Michael今天雖已貴為「老闆」,公司生意額達到每年2000萬,也不斷開發新事務,但他卻沒有被「勝利」沖昏頭腦,更沒有一絲「老闆」架子。

當日在他的辦公室進行訪問時,過程「門常開」,外面邊吃零食邊工作的員工也一起聽著整個訪問內容。

爽WiFi DSE 會考 創業 Wifi蛋 Michael


(全文完)



heungkung.com 香工平台 - 線上線下, 無限商機. 香工平台有超過3,000個日本, 韓國, 香港供應商品牌商品,互動分享,交流商機,共創共贏。請立即行動,參加我們Heunghung,com講座

了解更多? WhatsApp 61884388 Mr. 香工 Edward

#創業 #做老闆 #ecomerence #ONLINESHOP #marketing #線上 #香工 #批發零售 #課程 #賺錢 #商會 #電子行銷 #電商 #Mr香工Edward #零存貨 #零成本

原文轉載 Businessfoc